السلسال
08-12-2003, 09:19 PM
هذي القصة سلمك الله يقولك
كانوا اربعه
اللوووردومجروووح والمشتاق والمنكسر
راكبين موتر اللوووورد ( الميتين إل <200lسياره للمراهقين>) وطالعين يتعشون بروستد
طبعا مجرووووح ( شايبهم ) كانت قافله معه لانه ما يحب طلعات الليول<جمع ليل> (ما يشوف) وكان يقولهم
خلنا نطلب العشا ديلفري<توصيل مجاني> و كل شوي يلمح لهم ويقول :
" ألا أيها الليل الطويل ألا انجلي *** بصبح وما الإصباح منك بأمثل "
بس الجحلط<العبيطين> جاحدينه لانهم يحبون البرم <التسكع>في الشوارع
عموما اللووورد ما كان يمّه لان واحد من عليمية الرياض حده وخلاه يرقى
دوار الأحساء
انقهر اللووورد لدرجة انه التفت على العيال وهو يصارخ :
" من لم يمت بالسيف مات بغيره *** تعددت الأسباب والموت واحد "
بس المشتاق والمنكسر ( اللي كانوا راكبين ورا ) ما كانوا فاضين له
يعني المشتاق والمنكسر راكبين جنب بعض
اكيد انواع المناقر<الصراخ> بينهم ( اربعه وعشرين ساعه)
و ما انتبهوا لاحد
لكن العيال هجدوا <سكتو>فجأه
استغرب اللووورد !!
مهيب عادتهم
اثاري الملاعين قاعدين يكحلون<يغازلون>
و ياليتهم شافوا شي
كل اللي شافوه
طرف عباة راكبه جمس ومظلل بعد
تهيض المشتاق ( عاد ذاك مايبي له شيء ) وقال
" إن العيون التي في طرفها حور *** قتلننا ثم لم يحيين قتلانا "
وقام يتطلب اللووورد يبيه يلحق الجمس
عاد اللووورد يووووووووه انواع الغرور في ذاك الآدمي
رد عليه:
ما بقي الا هي
أنا اللووورد أنا اللي
" الخيل و الليل والبيداء تعرفني *** والسيف والرمح والقرطاس والقلم "
الحق جمس وافرض ياخي كبس علينا االسلسال بجمس الهيئه وش بتنفعنا أنت وخشتك.
قفلت مع المشتاق
وبغى يتضارب مع اللووورد
و لأول مره في تايخ الشعر العربي
اتفق المشتاق والمنكسر على نقطه معينه
بس المشتاق جابها باسلوب
وقام يقردن <يتوسل>اللووورد يبيه يلحقهم
و هات يا مدح و دحلسه في اللووورد من
" هذا الذي تعرف البطحاء وطأته *** والبيت يعرفه والحل والحرم "
وصولا الى
" ما قال لا قط إلا في تشهده *** لولا التشهد كانت لاؤه نعم "
في الأخير انتفخ راس اللووورد و قرر يلحقهم
وهات يا طردي في الملز<حي راقي بالرياض>
طبعا المنكسر كان مكبر دماغه من جهة البنات
بس كان فاك مع الجمس حقهم ( جمس 82 يداعب الريح )
و ما فيه الا غزل في الجمس :
" مكر مفر مقبل مدبر معا *** كجلمود صخر حطه السيل من عل "
المهم
بدا الجمس يبعد عن العيال
و صار المشتاق يتتريق على عزم الميتين ال ويقول للوووورد:
و مزعجنا وكل شوي تقول
" على قدر اهل العزم تأتي العزائم *** وتأتي على قدر الكرام المكارم "
و اخرتها طلعت الدعوى بكش<كذب>
قفلت مع اللووورد وقال للمنكسر :
والله بعذرك فيه
و الله يلوم اللي يلومك
يوم انك تكرّه كل هالسنين
وبعدها
ردها اللووورد باثنين <غيرنمرة المحرك القير عادي>
ودوووووووووووس يابو خنفوووووووووس
وبقدرة قادر صادوا الجمس في خنشليله<حي شعبي بالرياض>
لز اللووورد جنب قزازة الجمس و قال للمشتاق :
يالله يالمتفلت ورنا شطارتك
رد جرير :
اعتبر الموضوع منتهي و ياحبيبي سحبنا بنات كلية عليشه<اسم كلية البنات>على وجيههم و بعجز عن ذولي ؟؟
قام المشتاق يأشر جنب قزازة الجمس
عاد البنات ما صدقوا خبر
أول ما أشر المشتاق فتحوا القزازه
وكانت صدمه ما بعدها صدمه !!
وش ذا المقاشع <الملامح>
و لاشلة طقاقات ايام 1401<يقصدون احلام في بدهياتها>
العيال انصرعوا<اغمي عليهم>من هول المفاجأه
عاد البنات تحطموا يوم شافوا ردة الفعل
و قاموا يذبون<يتحرشون> على العيال
بس المشتاق كان اكثر واحد متأثر
فصار يرد
ويقول لهم :
"فغضي الطرف انك شيفة <شينه>*** فلا باسكال بلغتي و لا ديانا "
- والله هذولي الشيف وإلا بناتنا أزين منهن مية مرة ، الله لا يخلينا -
طبعا الوضع صار مكهرب في الميتين ال
و اللووورد يقول للمشتاق :
شفت يالزلابه <الجبان>
وش أنا قايلك
مشورتنا على الفاضي و في الأخير طلعت الدعوى تطنيش<عدم اهتمام>
في هالأثناء
لمح اللمنكسرموتر ثاني ( من ذيك المواتر اللي كنها حصاله ) كان يلحق البنات
فحب انه ينبههم عشان ما ياكلون نفس المقلب
بس يوم دققوا العيال في الموتر الثاني تعرفوا على الشباب اللي فيه
قال المنكسر :
و الله أنى قايله
موضوع فيه غزل و سربته<صياعه> اكيد ارنب بيحضر أول واحد
رد المشتاق :
شف ارنب ذا المصلحجي جايب معه اسير عشان لو طلع الموضوع فيه حارش
مارش<مشكله> يطلع مزبن <مأمن>نفسه
في الجهة الأخرى
كان اسير يتميلح جنب البنات
و طالع من الفتحه وهو يقصد
" و لقد ذكرتك والرماح نواهل *** مني وبيض الهند تقطر من دمي
فوددت تقبيل السيوف لأنها *** لمعت كبارق ثغرك المتبسم "
ضاق صدر اللووورد كذا لله في لله
و قال للعيال :
ياخي والله ما احد يحقر نفسه
حتى ذا الشين قام يغازل
وبدون مقدمات فتح المتنبي القزازه
و قال لاسير :
" لا تشترِي العبد الا و العصا معه *** إن العبيد لأنجاس مناكيد "
اسير سمع اللووورد ولا ما سمعه
ويوللللللللللللللع
عاد ا ارنب يحب الشر
طنش البنات ولحق العيال حتى قبل ما يقول له اسير
و قام ارنب يكبس<يأشربضوءالسياره> لهم ويقول :
مسوين فيها زعطه <شجاعه>
و يوم جا الجد انحشتوا ولا " كلام الليل يمحوه النهار "
لكن اللووورد اشر لهم وقال لهم الوعد التخصصي<شارع يتجمع به شباب الرياض>
في ها اللحظه
ارنب دخله الماء و قال لاسير :
هم اربعه وحنا اثنين ( و المازدا ما تكفينا )
و احيانا الكثره تغلب الشجاعه
قال له اسير :
ما عليك
أنا بدق على انجس واحد في الرياض
أول ما يدري أن الموضوع فيه مضاربه بيجيك مدرررررررررعم
قال ارنب :
منهو ?
رد اسير :
من غيره
السنايدي .. مسترفري
قال ارنب :
عز الله اللي راحوا فيها
بس المشكله انهم يوم دقوا على مسترفري ا لقوا جواله مفصول ( عسى ما يسدد
مسترا للأتصالات )
صرخ اسير :
.. افااااااااااااااااا قعدنا بها .!!
رد ارنب :
ولا قعدنا بها ولا شيء ، اصلا مسترفري دايم تاكي في ملحق سيدزمانه ، دق
عليه هناك
دق اسيرعلى الملحق ورد سيدزمانه وقال له اسير:
عندك مسترفري
قال سيد زمانه :
ايه ، في الحمام !!
قال اسير طيب ترا الموضوع كيت و كيت بتجون ولا لا ؟؟
قال سيدزمانه : افا عليك بس
" السيف اصدق إنباء من الكتب *** في حده الحد بين الجد واللعب "
والعهده على الراوي
وترقبوبالقصه القادمه عن شاعرات المنتدى مرميدوشيهانة نجدورعيل وغيث السحايب و....والمجال مفتوح لاي واحد يألف قصص مزوده بأبيات بالقصحى لشاعرات عربيات مثل الخنساءوالجليله وهندبنت عاكف وغيرهم
كانوا اربعه
اللوووردومجروووح والمشتاق والمنكسر
راكبين موتر اللوووورد ( الميتين إل <200lسياره للمراهقين>) وطالعين يتعشون بروستد
طبعا مجرووووح ( شايبهم ) كانت قافله معه لانه ما يحب طلعات الليول<جمع ليل> (ما يشوف) وكان يقولهم
خلنا نطلب العشا ديلفري<توصيل مجاني> و كل شوي يلمح لهم ويقول :
" ألا أيها الليل الطويل ألا انجلي *** بصبح وما الإصباح منك بأمثل "
بس الجحلط<العبيطين> جاحدينه لانهم يحبون البرم <التسكع>في الشوارع
عموما اللووورد ما كان يمّه لان واحد من عليمية الرياض حده وخلاه يرقى
دوار الأحساء
انقهر اللووورد لدرجة انه التفت على العيال وهو يصارخ :
" من لم يمت بالسيف مات بغيره *** تعددت الأسباب والموت واحد "
بس المشتاق والمنكسر ( اللي كانوا راكبين ورا ) ما كانوا فاضين له
يعني المشتاق والمنكسر راكبين جنب بعض
اكيد انواع المناقر<الصراخ> بينهم ( اربعه وعشرين ساعه)
و ما انتبهوا لاحد
لكن العيال هجدوا <سكتو>فجأه
استغرب اللووورد !!
مهيب عادتهم
اثاري الملاعين قاعدين يكحلون<يغازلون>
و ياليتهم شافوا شي
كل اللي شافوه
طرف عباة راكبه جمس ومظلل بعد
تهيض المشتاق ( عاد ذاك مايبي له شيء ) وقال
" إن العيون التي في طرفها حور *** قتلننا ثم لم يحيين قتلانا "
وقام يتطلب اللووورد يبيه يلحق الجمس
عاد اللووورد يووووووووه انواع الغرور في ذاك الآدمي
رد عليه:
ما بقي الا هي
أنا اللووورد أنا اللي
" الخيل و الليل والبيداء تعرفني *** والسيف والرمح والقرطاس والقلم "
الحق جمس وافرض ياخي كبس علينا االسلسال بجمس الهيئه وش بتنفعنا أنت وخشتك.
قفلت مع المشتاق
وبغى يتضارب مع اللووورد
و لأول مره في تايخ الشعر العربي
اتفق المشتاق والمنكسر على نقطه معينه
بس المشتاق جابها باسلوب
وقام يقردن <يتوسل>اللووورد يبيه يلحقهم
و هات يا مدح و دحلسه في اللووورد من
" هذا الذي تعرف البطحاء وطأته *** والبيت يعرفه والحل والحرم "
وصولا الى
" ما قال لا قط إلا في تشهده *** لولا التشهد كانت لاؤه نعم "
في الأخير انتفخ راس اللووورد و قرر يلحقهم
وهات يا طردي في الملز<حي راقي بالرياض>
طبعا المنكسر كان مكبر دماغه من جهة البنات
بس كان فاك مع الجمس حقهم ( جمس 82 يداعب الريح )
و ما فيه الا غزل في الجمس :
" مكر مفر مقبل مدبر معا *** كجلمود صخر حطه السيل من عل "
المهم
بدا الجمس يبعد عن العيال
و صار المشتاق يتتريق على عزم الميتين ال ويقول للوووورد:
و مزعجنا وكل شوي تقول
" على قدر اهل العزم تأتي العزائم *** وتأتي على قدر الكرام المكارم "
و اخرتها طلعت الدعوى بكش<كذب>
قفلت مع اللووورد وقال للمنكسر :
والله بعذرك فيه
و الله يلوم اللي يلومك
يوم انك تكرّه كل هالسنين
وبعدها
ردها اللووورد باثنين <غيرنمرة المحرك القير عادي>
ودوووووووووووس يابو خنفوووووووووس
وبقدرة قادر صادوا الجمس في خنشليله<حي شعبي بالرياض>
لز اللووورد جنب قزازة الجمس و قال للمشتاق :
يالله يالمتفلت ورنا شطارتك
رد جرير :
اعتبر الموضوع منتهي و ياحبيبي سحبنا بنات كلية عليشه<اسم كلية البنات>على وجيههم و بعجز عن ذولي ؟؟
قام المشتاق يأشر جنب قزازة الجمس
عاد البنات ما صدقوا خبر
أول ما أشر المشتاق فتحوا القزازه
وكانت صدمه ما بعدها صدمه !!
وش ذا المقاشع <الملامح>
و لاشلة طقاقات ايام 1401<يقصدون احلام في بدهياتها>
العيال انصرعوا<اغمي عليهم>من هول المفاجأه
عاد البنات تحطموا يوم شافوا ردة الفعل
و قاموا يذبون<يتحرشون> على العيال
بس المشتاق كان اكثر واحد متأثر
فصار يرد
ويقول لهم :
"فغضي الطرف انك شيفة <شينه>*** فلا باسكال بلغتي و لا ديانا "
- والله هذولي الشيف وإلا بناتنا أزين منهن مية مرة ، الله لا يخلينا -
طبعا الوضع صار مكهرب في الميتين ال
و اللووورد يقول للمشتاق :
شفت يالزلابه <الجبان>
وش أنا قايلك
مشورتنا على الفاضي و في الأخير طلعت الدعوى تطنيش<عدم اهتمام>
في هالأثناء
لمح اللمنكسرموتر ثاني ( من ذيك المواتر اللي كنها حصاله ) كان يلحق البنات
فحب انه ينبههم عشان ما ياكلون نفس المقلب
بس يوم دققوا العيال في الموتر الثاني تعرفوا على الشباب اللي فيه
قال المنكسر :
و الله أنى قايله
موضوع فيه غزل و سربته<صياعه> اكيد ارنب بيحضر أول واحد
رد المشتاق :
شف ارنب ذا المصلحجي جايب معه اسير عشان لو طلع الموضوع فيه حارش
مارش<مشكله> يطلع مزبن <مأمن>نفسه
في الجهة الأخرى
كان اسير يتميلح جنب البنات
و طالع من الفتحه وهو يقصد
" و لقد ذكرتك والرماح نواهل *** مني وبيض الهند تقطر من دمي
فوددت تقبيل السيوف لأنها *** لمعت كبارق ثغرك المتبسم "
ضاق صدر اللووورد كذا لله في لله
و قال للعيال :
ياخي والله ما احد يحقر نفسه
حتى ذا الشين قام يغازل
وبدون مقدمات فتح المتنبي القزازه
و قال لاسير :
" لا تشترِي العبد الا و العصا معه *** إن العبيد لأنجاس مناكيد "
اسير سمع اللووورد ولا ما سمعه
ويوللللللللللللللع
عاد ا ارنب يحب الشر
طنش البنات ولحق العيال حتى قبل ما يقول له اسير
و قام ارنب يكبس<يأشربضوءالسياره> لهم ويقول :
مسوين فيها زعطه <شجاعه>
و يوم جا الجد انحشتوا ولا " كلام الليل يمحوه النهار "
لكن اللووورد اشر لهم وقال لهم الوعد التخصصي<شارع يتجمع به شباب الرياض>
في ها اللحظه
ارنب دخله الماء و قال لاسير :
هم اربعه وحنا اثنين ( و المازدا ما تكفينا )
و احيانا الكثره تغلب الشجاعه
قال له اسير :
ما عليك
أنا بدق على انجس واحد في الرياض
أول ما يدري أن الموضوع فيه مضاربه بيجيك مدرررررررررعم
قال ارنب :
منهو ?
رد اسير :
من غيره
السنايدي .. مسترفري
قال ارنب :
عز الله اللي راحوا فيها
بس المشكله انهم يوم دقوا على مسترفري ا لقوا جواله مفصول ( عسى ما يسدد
مسترا للأتصالات )
صرخ اسير :
.. افااااااااااااااااا قعدنا بها .!!
رد ارنب :
ولا قعدنا بها ولا شيء ، اصلا مسترفري دايم تاكي في ملحق سيدزمانه ، دق
عليه هناك
دق اسيرعلى الملحق ورد سيدزمانه وقال له اسير:
عندك مسترفري
قال سيد زمانه :
ايه ، في الحمام !!
قال اسير طيب ترا الموضوع كيت و كيت بتجون ولا لا ؟؟
قال سيدزمانه : افا عليك بس
" السيف اصدق إنباء من الكتب *** في حده الحد بين الجد واللعب "
والعهده على الراوي
وترقبوبالقصه القادمه عن شاعرات المنتدى مرميدوشيهانة نجدورعيل وغيث السحايب و....والمجال مفتوح لاي واحد يألف قصص مزوده بأبيات بالقصحى لشاعرات عربيات مثل الخنساءوالجليله وهندبنت عاكف وغيرهم