عجزت القى عنوان

[شاهرالسيف]

:storm::rain::storm::rain::storm::rain::storm::rai n::storm::rain::storm::rain::storm::rain::storm::r ain::storm::rain:


حبٍ عدالٍ كما السيف الصارم يومك تسله
وحبٍ أعـوج يـزيدك بـعلوم الطيبه جهاله

وحبٍ عذابه وناسه على طول الزمن ما تمله
وحبٍ افراحـه جـروح ...اتـمـنى يـوم زواله

وحبٍ من طرف واحد يصيبك بالمذله
وحبٍ يجمع اثنينه الله ياهو كبير مجاله

وحبٍ ردي دنيٍ ماله لا دين ولا مله
وحبٍ طـاهـر شريـف يـزيـدك عداله

وحبٍ مـن نـظـرةٍ وحـده دربـه كـله تدله
وحبٍ لو تقضي عمرك ما تلحق وصاله

وحبٍ نـقـي واضـحٍ شمسه بكـل دقـه وجله
وحبٍ غامضٍ ماتدري يمينه من شماله

وحبٍ ماتخـافه، يـحفظك بغيابك وتامنه كله
وحبٍ يخونك حتى وان كنت يمه وعلى جاله

وحبٍ ثـقـيـلٍ غـثـةٍ عـلى الـقـلـب،، عـله
وحبٍ خفيف على القلب ولو يصعب مناله

وحبٍ يدوم للدوم ولو افترق خل عن خله
وحبٍ يـموت ولـو عـلى قيد الحياة ابطاله

وحبٍ مزون يروي ضمى ريقك ويبله
وحبٍ صحرا جـفـاف تـلـهث ورا خياله

وحبٍ ودك يجيك منه مليون طفلٍ وطفله
وحبٍ ماودك ابشوفته ،، كيف عاد اعياله

وحبٍ باردٍ بـلـيـدٍ يعيق الشعور وهم بعد يشله
وحبٍ صاحيةٍ ناره كما البركان بلحظة اهباله

وحبٍ برضاك يسهرك الليل اتعد النجوم وألأهله
وحبٍ تـبـي لـك الـموت ولا حـتى تـذكـر احواله

وحبٍ حلالٍ زلالٍ هالبرائه تماشيه مثل ظله
وحبٍ يـدنـس مـحـارم الـرحـمـن أثـم وظلاله

وحبٍ مـابـيـن أثـنـينه سخيييف ،، كثره مثل قله
وحبٍ أثنينه من حلاته زاد هالحب بعيوناجماله

وحبٍ عظيمٍ شامخٍ يعز قلبك فوق ويجله
وحبٍ واطي ذليلٍ يرميك على الناس عاله

وحبٍ لغير الله ورسوله واللوالدين ،، اتركه وخله
ولا أقولك ، ضمه ولي راح لا تبكي على امثاله


وسلااااااااااااااااااااااامتكم

http://www.abunawaf.com/mix/store1/talal1.gif

[ساجي العيون]

الله على الكلمات وعلى الحب الشريف
ويا شين الحب اللي يدنس الناس


سلمت اخوي شاهر السيف على النقل الموفق
وننتظر منك المزيد

[شاهرالسيف]

:storm::rain::storm::rain::storm::rain::storm::rai n::storm::rain::storm::rain::storm::rain::storm::r ain::storm:


صح بدنك اخوي ساجي

واشكرك جدا على مرورك من هنا لا عدمناك

وبالمناسبه القصيده هذي من كتاباتي انا

واتمنى تحوز على رظى الجميع

[ooMKHLooD]

السلام عليكم
يعطيك العافية اخ شاهر السيف على هالقصيدة موضوعها وفكرتها جديدة لكن اسمحلي اقول رايي بالكلام اللي قلته . او رايي على رايك بالحب . انت عرضت انماط الحب ويا كثرها عندك والغريب ان كل نوع له نوع يناقضه في قصيدتك لكن عندما شعرت اني تائهة في انماط الحب المتناقض عندك ، ارست بي قصيدتك في نهاية المطاف على ارقى واقدس انواع الحب . حب الله ورسوله ولذلك احببت القصيدة واعجبتني وسأقولها لتلميذاتي واوصيهن بقراءتها .
وفي الختام احب ان اقول للاخ ساجي العيون ما يجوز تتهم الناس جزافا دون بينة ولا دليل والا احنا العرب لمن نشوف واحد يفكر ويبدع نستكثر عليه كلمة مفكر فنقول سارق . يا عيب الشوم يا ناس .
شكرا جزيلا لمن قرأ مشاركتي وهي الاولى

[شاهرالسيف]

:storm::rain::storm::rain::storm::rain::storm::rai n::storm::rain::storm::rain::storm::rain::storm::r ain::storm::rain:


اشكرك جدا ام خالد على مرورك هنا

وايضا اشكرك على الكلام الي قلتيه

وبالنسبه للتناقض الموجود بأنواع الحب>>>

الحب مثل اي شي بالدنيا ،وكل شي بالدنيا وله نقيض

مثل ما فيه نهار فيه ليل، ومثل مافيه حب فيه كراهيه

وحاولت اني اجمع كل انواع الحب بالقصيده هذي وانا ادري ان فيه نوع من انواعه ماله شكل ولا لون ولا احد يقدر انه يشرحه

وزي ما قلتي اجمل واعظم واطهر حب هو حب الله ورسوله والوالدين

واما بالنسبه للاخ والعزيز ساجي العيون تراه معذور لان كل مشاركاتي السابقه كانت منقوله ، فا اكيد هو توقع انها تكون مثل سابقاتها جعلي فداه، وهذي اول قصيده من كتاباتي اتشرف بأني اسجلها بين اياديكم بالمنتدى

وحياك الله ام خالد بين اخوانك واهلك
(ارجو اني قلت الاسم صح)

وللجميع مني :rose:

[ooMKHLooD]

بسم الله الرحمن الرحيم
صح بدنك اخ شاهر السيف قلت الاسم صح
وارجو السموحة والعفو من الاخ ساجي واحب اقول للاخ ساجي اللي ما يعرفك ما يثمنك

وشوكرا
باااااااااااااااااااااااااااي

[شاهرالسيف]

:storm::rain::storm::rain::storm::rain::storm::rai n::storm::rain::storm::rain::storm::rain:


صح بدنك مليون واكثر

وعز الله اني ما قلت الاسم صح:sad::shy:

اسمك ام خلووووود

وان قلت ام خالد

وارجو السموحه بطني كان قارصني من الجوع:cry: