المساعد الشخصي الرقمي

مشاهدة النسخة كاملة : يمــــــــــــــــــــــــــــــــــــــــه

مشاعرجريح
11-05-2003, 06:37 PM
يمه دخيلك نار الايـام حدري


كفي دموعك لاتزيديـن ناري


يمه زماني ذلني وطاح قدري


مادام خدك فوقه الدمع جاري


لاخير في دنبـا تبكيـك وادري


والله لااذل الوقت واخذ بثـاري



وقت خذآمالي بعد خان عمري



واقفي ولاله بين الافراح طاري



حتى الليالي هادره دم فجري



وانا التفت للشرق وابكي نهاري



يمه فديتك لو تشفيـن صدري



شفتي ضلوع ذابت وقلب عاري




شفتي عروق مابها دم يجري



جفت وكبدي منها الموت ساري



يمه فديتك لا تخبيـن شعري



دام النهار يشوف الليـل أداري






الــــشــــاعــــر


جــابـــر الـعـتـيـبـي
ساجي العيون
11-07-2003, 03:28 AM
صح لسانك اخوي شنكوتي .........
وتسلم على اختيارك احلى واجمل القصائد ..........
لتنقلها لنا وتمتعنا بها
mermaid
11-07-2003, 09:23 AM
أمي يا ملاكي "=" ياحبي الباقي إلى الأبد
ولم تزل يداكِ"="أرجوحتي ولم أزل ولد


أخـــي العزيـــز 000 المميـــــز:smile:

إختيــار موفـــــق 000لقصيـــدة رائعـــه

ولـــك منـــي أجمــل الأمنيـــات:rose::rose:

مـــع تحيـــات

mermaid(عـــروس البحـــر)
مشاعرجريح
11-07-2003, 05:25 PM
صح بدنك ساجي

العفووووووووو هذا من ذوقك الحلووووووووو


تحياتي لك
مشاعرجريح
11-07-2003, 05:31 PM
اختي العزيزه

مرميــــــــــــد

واطراء جميل منك سيدتي

و لك كل الشكر مني


وتقبلي تحياتي
falcon
11-08-2003, 08:55 PM
أخوي شنكوتي صح لسانك وهذي القصيدة بعد إهداء مني , بس للأسف مو عارف منو قائلها .


يمه .. أنا مالي في هالزرع مقيال يمــــه ربيع الكون ماهو بعيني
ماشاقني طفلٍ وأنا صرت رجال وأطلقت بــــــالأيام مهرة سنيني
يمه رضيت بكل مايرضي الحال بس الزمــن بالحيل يلوي يميني
نوّخت فكري لــلتواضع ولا زال وجعلت فـي وكر الكرامه جبيني
ومديت كفينـــي عطا تشعل اشعال أصابـعي شمـــــع لمن هو يبيني
وجعلت فــي قلبي للأحباب منزال وسكنــتهم رغــــــم علي عاذليني
طبعي كذا ماخالطه خبث واهبال أشـري الذي في خاطره يشتريني
يمه أنا في عالم الحب مرسال تكــفيني من نار العذاب ادركيني
كنت أذكر البسمـه على شفاة الأطـــــــــــــفال كانت تحرك كل الأفراح فيني
صمتي قتـــــل في داخلي كل الآمال وتبـــــــخرت أحلام أول تجيني
كنت أحسب الـــــدنيا قصيدة وموال موالــها فــرح وفرحها هجيني
لكن نـغمها ماطرالــــي على البال ان اللـــــــــيالي بطبعها تكتفيني
يمه جهلت اسنين وسنين أطوال أمشي وتصفق في هواها يديني
أطرد سراب وداخل الأرض زلزال آه الـــــــظما يقتل سنابل حنيني
يمه كفوف البرد ماتدفي الشال أرمـي الزمان وبالحنان احضنيني
يمه شكيت ومابغيت أشكي الحال صوت هتف في داخلي سامحيني
مشاعرجريح
11-11-2003, 06:46 PM
صح بدنك اخوي فالكون


ويعطيك العافيه على القصيده الحلووووه منك


وهذا يدل على ذوقك الحلوووو والمميز


تحياتي لك
رفيق الدرب
11-11-2003, 11:13 PM
صح لسان الشاعر جابر العتيبي ..

وسلمت لنا يدك حبيبي شنكووووتي على نقلك الطيب ..

اختيار موفق ورائع بحق الام الغاليه ..

تحياتي لك ..
مشاعرجريح
11-13-2003, 02:13 AM
الله يسلمك اخوي رفيق الدرب


شكراااااااا على المرور الكريم