مشاري
09-04-2007, 05:50 AM
السلام عليكم ورحمة الله وبركاته
الله يبلغنا وياكم رمضان ويتقبله منا ومنكم ويجعلنا وياكم من صوامه وقوامه
ابارك لمنتدانا الشامخ مرميد مشرفين وأعضاء وزوّار
بقدوم هذا الشهر الكريم
وكل عام وأنتم بخير
بديت باسم اللي نفخ بآدم الروح=سامع دبيب النمل جوف الظلامي
إلآهنا اللي بامره الرزق ممنوح=الخالق الرازق جميع الأنامي
باقي سبوع وريحة المسك منفوح=شهر رمضان اقبل عزيز المقامي
شهرٍ به الرحمه لها فالبشر ضوح=شهر الصيام وشهر بذل الكرامي
اوصيك يانفسي ترى السرّ مفضوح=واوصي اللذي يسمع ويقرا كلامي
عليك بالطاعه قبل روحك اتروح=وتصبح رهين القبر في متر خامي
أخلص لربّك واسبل الدمع والنوح=تلقى عوضها بالحشر والزحامي
الصوم ماهو بالاكل بس ممدوح=صوم الجوارح هو أهمّ الصيامي
وابذل من اموالك لمعدم ومجروح=زكاة مالك تجعل المال نامي
احلم ولو جوعك يلزّك على الصوح=بالصبر تصعد للعلا والسنامي
ترى السفيه اللي تأثّر مع الفوح=والاّ رزين العقل ثقله حزامي
مثل الجبل لاصار بالتيس منطوح=مايحترك وذا بلا قرن قامي
الشعر ماهو كثرة الحكي والبوح=الشعر حكمه له سلوب ونظامي
وان ضاق جارك منت يالاخّ مسموح=وان زعل ضيفك فانت ضمن اللئامي
في الناس نصّاحٍ وفالناس منصوح=وفيهم أمين وفيهم ايضاً حرامي
وحلق النصيحه بين الانذال مبحوح=وشلون لا! وهم نقيض الحشامي
واتلوا كلام الله بترتيل ووضوح=وصلّوا الفرايض واخلصوا بالقيامي
والعلم له عدٍ بالافكار مميوح=ماهوب للمنسب ونوع الاسامي
والسنّه الغرّا لك قصور وصروح=والنيّه اللي مثل عين الحمامي
مالك سوى ماقدّر الله فاللوح=ومبروك شهر الصوم مسك الختامي
وسلامتكم
الله يبلغنا وياكم رمضان ويتقبله منا ومنكم ويجعلنا وياكم من صوامه وقوامه
ابارك لمنتدانا الشامخ مرميد مشرفين وأعضاء وزوّار
بقدوم هذا الشهر الكريم
وكل عام وأنتم بخير
بديت باسم اللي نفخ بآدم الروح=سامع دبيب النمل جوف الظلامي
إلآهنا اللي بامره الرزق ممنوح=الخالق الرازق جميع الأنامي
باقي سبوع وريحة المسك منفوح=شهر رمضان اقبل عزيز المقامي
شهرٍ به الرحمه لها فالبشر ضوح=شهر الصيام وشهر بذل الكرامي
اوصيك يانفسي ترى السرّ مفضوح=واوصي اللذي يسمع ويقرا كلامي
عليك بالطاعه قبل روحك اتروح=وتصبح رهين القبر في متر خامي
أخلص لربّك واسبل الدمع والنوح=تلقى عوضها بالحشر والزحامي
الصوم ماهو بالاكل بس ممدوح=صوم الجوارح هو أهمّ الصيامي
وابذل من اموالك لمعدم ومجروح=زكاة مالك تجعل المال نامي
احلم ولو جوعك يلزّك على الصوح=بالصبر تصعد للعلا والسنامي
ترى السفيه اللي تأثّر مع الفوح=والاّ رزين العقل ثقله حزامي
مثل الجبل لاصار بالتيس منطوح=مايحترك وذا بلا قرن قامي
الشعر ماهو كثرة الحكي والبوح=الشعر حكمه له سلوب ونظامي
وان ضاق جارك منت يالاخّ مسموح=وان زعل ضيفك فانت ضمن اللئامي
في الناس نصّاحٍ وفالناس منصوح=وفيهم أمين وفيهم ايضاً حرامي
وحلق النصيحه بين الانذال مبحوح=وشلون لا! وهم نقيض الحشامي
واتلوا كلام الله بترتيل ووضوح=وصلّوا الفرايض واخلصوا بالقيامي
والعلم له عدٍ بالافكار مميوح=ماهوب للمنسب ونوع الاسامي
والسنّه الغرّا لك قصور وصروح=والنيّه اللي مثل عين الحمامي
مالك سوى ماقدّر الله فاللوح=ومبروك شهر الصوم مسك الختامي
وسلامتكم