سلسبيل
02-24-2007, 06:31 PM
..
هذه مرثيه لأمير الشعراءاحمد الناصر الشايع قالها من عشر سنوات في ابنه فهد
واكيد الشاعر غني عن التعريف والكل يعرفه
نهار ثالث عقـب عيـد رمضانـي = ناس(ن) عطاها الله وناس محرومه
احد(ن) قضا عيده سـلام وتهانـي = واحد(ن) توصله الكواكب همومـه
صادفت صدفه من صدوف الزماني = منها قوي الحيـل تفتـر عزومـه
هـذا زمـان الهـم والامتحـانـي = وقت(ن) على قلبي تعاقب سهومـه
الاولـه كامـل جميـع المعـانـي = مزبن المضيوم شـرع الخصومـه
محمد اللـي فـي القسـا واليانـي = عقبه سمايـا غايبـات(ن) نجـومـه
والثانيـه باقـرب قريب(ن)ودانـي = خامس عيالي يوم جتنـي علومـه
قالوا مابيـن الخاصـره واحلبانـي = ولدك مـات اللـي ترجـا قدومـه
جا يومه الموعـود باربـع ثوانـي = قلت السبب قالوا دنـا منـه يومـه
علم(ن) على الكبدالصخيفه كوانـي = كيت عطـب ماتنشكـي للحكومـه
تهشمت كـل الضلـوع المحانـي = مفجوع والمفجوع محد(ن) يـلـومـه
اخذت لي ساعه وانا فـي مكانـي = حسبت لى عشرين طيحه وقومـه
الى بغيت الهـرج يبـس لسانـي = والذاكره عنـدي تقـول أمعدومـه
قمـت اتلفـت واتسمـع بـأذانـي = من شـاف حالـي ماتهنـا بنومـه
مما بقلبـي رحـت بالليـل عانـي = للموتر اللـي مابقـى الا رسومـه
عن روحتي ياليـت ربـي نهانـي = ولاشفت دمه سايحن فـي هدومـه
قمـت ودفنتـه والله المستعـانـي = في خرقت(ن) بيضاء عليه محزومه
يـم القويعيـه بـلاد اقحطـانـي = والحر غير لون وجهـي سمومـه
واقفيت من عنده وعشـري ثمانـي = مثل المصبـح والبـلاد امحكومـه
والله لــولانـي وســيــع الــبــطانــي = لاصكها مثل اشقر الريش حومـه
طاوعت نفسي مير عقلـي قوانـي = عن الخطاء مافيه نفس امعصومـه
هذه مرثيه لأمير الشعراءاحمد الناصر الشايع قالها من عشر سنوات في ابنه فهد
واكيد الشاعر غني عن التعريف والكل يعرفه
نهار ثالث عقـب عيـد رمضانـي = ناس(ن) عطاها الله وناس محرومه
احد(ن) قضا عيده سـلام وتهانـي = واحد(ن) توصله الكواكب همومـه
صادفت صدفه من صدوف الزماني = منها قوي الحيـل تفتـر عزومـه
هـذا زمـان الهـم والامتحـانـي = وقت(ن) على قلبي تعاقب سهومـه
الاولـه كامـل جميـع المعـانـي = مزبن المضيوم شـرع الخصومـه
محمد اللـي فـي القسـا واليانـي = عقبه سمايـا غايبـات(ن) نجـومـه
والثانيـه باقـرب قريب(ن)ودانـي = خامس عيالي يوم جتنـي علومـه
قالوا مابيـن الخاصـره واحلبانـي = ولدك مـات اللـي ترجـا قدومـه
جا يومه الموعـود باربـع ثوانـي = قلت السبب قالوا دنـا منـه يومـه
علم(ن) على الكبدالصخيفه كوانـي = كيت عطـب ماتنشكـي للحكومـه
تهشمت كـل الضلـوع المحانـي = مفجوع والمفجوع محد(ن) يـلـومـه
اخذت لي ساعه وانا فـي مكانـي = حسبت لى عشرين طيحه وقومـه
الى بغيت الهـرج يبـس لسانـي = والذاكره عنـدي تقـول أمعدومـه
قمـت اتلفـت واتسمـع بـأذانـي = من شـاف حالـي ماتهنـا بنومـه
مما بقلبـي رحـت بالليـل عانـي = للموتر اللـي مابقـى الا رسومـه
عن روحتي ياليـت ربـي نهانـي = ولاشفت دمه سايحن فـي هدومـه
قمـت ودفنتـه والله المستعـانـي = في خرقت(ن) بيضاء عليه محزومه
يـم القويعيـه بـلاد اقحطـانـي = والحر غير لون وجهـي سمومـه
واقفيت من عنده وعشـري ثمانـي = مثل المصبـح والبـلاد امحكومـه
والله لــولانـي وســيــع الــبــطانــي = لاصكها مثل اشقر الريش حومـه
طاوعت نفسي مير عقلـي قوانـي = عن الخطاء مافيه نفس امعصومـه