سلسلة روائع الشاعر الكبير محمد بن سعد الجنوبي (3) بهذلت قلبي بهاذيل الحياه [الأرشيف]

ابو بدر و ساره

11-24-2006, 02:07 PM

يا بو يوسف صحت من قلب عليل= بهذلت قلبي بهاذيل الحياه
اتعذب واسهر الليل الطويل= من نظرني قال هذا وش بلاه
كل شي صار عندي مستحيل= والصبر وياي واصل منتهاه
صرت انا محتار وضيعت الدليل= عزتي للي بعد روحه جفاه
ان حصل لي صاحب الطرف الكحيل= بو عيون سود مردوع الشفاه
وانعطف بالشاي واسقاني قليل= يستريح القلب من زايد عناه
واختصر وياه مامعنا بديل= كل منا يحكي اسرار الحياه
ان حصل لي منيتي كلش جميل= الجنوبي هكذا ربي عطاه

مشاري

11-24-2006, 03:42 PM

رائعه جدااا

صح لسان الشاعر محمد الجنوبي

وسلم بنانك شاعرنا الغالي ابو بدر وساره

قصيده تتسم بالكلمات الحلوه الواقعيه الصادقه

والتي تلامس الوجدان

تشرح المعاناه بطريقه محليه وكأنك ترى بعينك

فعلا مدرسه مستقله

دام ابداعك بالبدع والنقل

ودام تألقك

ودمت بود

اعطر وازكى التحاااياااا

ابو بدر و ساره

11-24-2006, 08:43 PM

تشرفت بردك يا شاعرنا الشامخ

وبما انك رجل تحب العلوم الجميله فاليك احدى روائع شاعرنا الجنوبي

يقول منهو تهيض والعرب ممسين=اذكر زمان مضى لي مع هوى بالي
الصاحب اللي رمى قلبي بسهم العين=ياويل قلبي عقب فرقاك يالغالي
انا الذي عقبكم دمعي على الخدين=يشفق علي كل مخلوق نظر حالي
من اول الجرح واحد وانتقض باثنين=جرح الموده وجرحك يوم تطرى لي
جروحي اللي ذكرت معالجتها فين=كمّن طبيب عجز ماحصل دوى لي
اللي خسرته عقب فرقاك في شهرين=الفين واربع ميه راحت على الخالي
والله ياصاحبي كني على نارين=لمّن ذكرتك رفعت الصوت عزّى لي
واليوم يمضي علي كنه ثلاث سنين=الله لايواخذك يازين الانذالي

وسنتواصل برائعة اخرى ان شاء الله

مشاري

11-25-2006, 01:53 AM

وكما اسلفت الابداع يتواصل

مع قصائد الجنوبي

ونقل شاعرنا الغالي ابو بدر وساره

والله مسكين الجنوبي

خسر الفين واربعميه للعلاج والله واجد ذاك الوقت

دام ابداعك وتألقك ياشاعرنا

اعطر التحاااياااا واجملها

دمت بود

ابو بدر و ساره

11-25-2006, 12:49 PM

دمت بخير يا مشرفنا الغالي و هذه احدى روائع الشاعر

الجنوبي قال من شي دهاه=من عذابه يسئل الليل الطويل
يا هلي صبري تعدى منتهاه=كيف يصبر واحد قلبه عليل
من نظرني قال ذا ربي عطاه=مادرى بي صاحب القلب الهزيل
اطلب اللي ما يخيب من رجاه=حيث ربي يمنح الصبر الجميل
يجمع بشملي مع ريم الفلاه=بو ثمان بيض والطرف الكحيل
الحبيب اللي اخذ قلبي معاه=حالف بالله ماخذ به بديل
كيف ينساني و قلبي ما نساه=ذا الهجر يازين عطنا له دليل

مشاري

11-25-2006, 01:18 PM

مستحيل يلقى له دليل

شكرا على هذا الابداع شاعرنا الغالي ابو بدر وساره

وشكرا على تسلسل هذه الجواهر

من منظومة عقد شعر الجنوبي

الرائعه

دمت كذلك

ودمت بالتوفيق والمسرات

اعطر التحااااياااا واجملهااا

ابو بدر و ساره

11-25-2006, 09:59 PM

ونتواصل معكم

عزاة يادمع على الخد هليتة=مثل المطر فوق الاعيان همالي
من حر مونست حتى الثوب شقيته=وش الحول يامولع في هوا بالى
من اول نور عيني كل ماجيته=يقول يامرحبا بالصاحب الغالى
واليوم لاشافنى مقبل على بيته=سكر البيبان متعذر بالاشغالى
الله واكبر ماجاني ورديته=اقول هذي حياتى اول وتالى
لامن زهمنى في اخر الليل لبيته=اقوم فى مطلبه لو مطلبه غالى
هو يتحدى وانا ماقصدي حديته=مايدري ان الهجر اثر على حالى
لو اقدر الصبر على الهجران جازيته=لاشك حاولت لكن ماتهيالى
ان قدر الله لعز النفس عن بيته=اخليه يفلى مثل الى يطرب عل خالى

ابو بدر و ساره

11-25-2006, 10:11 PM

ياحياتي العين طاولها السهر =وان بغيت النوم عيّت لا تنام

غبت عني ليه يا شبه القمر =الجفى يا منيتي منك حرام

غيبتك ساعه عن عيني شهر =لا سهرت الليل مثلي ما يلام

ما بقى لي قلب يتحمل صبر =ذاب قلبي من صدودك والغرام

اسألك وارجوك رد لي النظر =شفني من فرقاك عايش في ظلام

صدك وهجرك جعلني في خطر =هذا علمي وانت سالم والسلام

ابو بدر و ساره

11-25-2006, 10:15 PM

عسا ماشر الى مريت صديت =وش اللي غيرك يانور عيني

لو ان حبك بقاصي القلب كنيت =ولزوم انساك مع طول السنيني

انا الغلطان يومي لك تعنيت =حسبتك مثل الاول مشتريني

هذا وانا بري عليك مخطيت =تطّاوع هرج بعض الناس فيني

ياما وياما علي امرار زليت =ومتحمل وصابر يا ظنيني

مسامحك بالذي معاي سويت =وكل قاسي بأمر الله يليني

ابو بدر و ساره

11-25-2006, 10:17 PM

يالله يالمطلوب ياخير معبود =يا واحد امرك بنون وكافى

اسألك بالتوراه وعم معه هود =وبجاه من صلى ببيتك وطافى

ترد لي المحبوب ياوالي الجود =ترجعه عندي سليم معافى

عليه حالي يابس كنه العود =كني مريض له سنه ما تشافى

مادري تعرض له من الناس مقرود =وشوش بعقله ما يبينا نتصافى

ابو بدر و ساره

11-26-2006, 02:06 PM

لست متاكدا من القائل ولكنها رائعه

ياهل النعاثل مامركم لي حبيب=توه صغير السن حلو الشفاه
من حين شفته وانا طايح صويب=ياليته يسمح واتكلم معاه
الخد ورده والمبسم عجيب=في الحسن فايق على منهو معاه
الخشم خنجر و يطعن من يصيب=والراس بكله و يذبح من يراه
جالس بوحده يناس كنه غريب=والله غزال ملكني هواه

ابو بدر و ساره

11-26-2006, 02:17 PM

لست متاكد من قائلها

بالله ياهل الفريق=بجواركم لي صديق
بيته بجنب الطريق=توه سكن من شهر
الوصف مثل الغزال=طفل كساه الجمال
فيه البهى والدلال=والخد مثل القمر
الشعر اسود طويل=والريق يشفي الغليل
عنه العزى مستحيل=وياه يحلى السمر
اقبل بشكل خطير=ملبوسه اخضر حرير
من الذهب شي كثير=وزرار ذهبي حمر
لامن مشى يا سلام=في كبريا واحترام
تمشي كمشي الحمام=والعين منها الخطر
يازين نبغى سوى=قلبي معك ماارتوى
نطلع نشم الهوى=ليله بشارع قطر
اطلع معي يا ظريف=و البس مشجر خفيف
الجو هادي لطيف=والوقت رشة مطر
ان كان تبغى الصحيح=با قول لك يامليح
ودي معك نستريح=يومين جنب البحر
لاماحصل منيتي=تدهورت صحتي
ياناس وش حيلتي=لارحت ميت قهر
يازين بشهد عليك=حتى هلي تشتكيك
موتي حصل من يديك=ويكون عندك خبر

ابو بدر و ساره

11-26-2006, 02:26 PM

وهذه للجنوبي

حمام ياللي فوق الاغصان غنيت=ذكرتني وقت عزيز مضالي
ذكرتني اللي لا دخل نور البيت=حسبي عليك الله مالك ومالي
عقبه لا ني بحي و لا ميت=ومعالج شهرين و اربع ليالي
عزا الله اني عقبهم ما تهنيت=ماحد من الخلان غيره صفالي
يازين في قلبي حكمت و توليت=ارفيق دخيلك يا حياتي بحالي
لامن سمعت اسمك على الزاد فزيت=والناس ما يدرون باللي جرى لي

ابو بدر و ساره

11-26-2006, 05:13 PM

وهذه لا اعرف قائلها ولكن جميله

طريق الخرج مع السواق ساعه=مع التوفيق و الموتر جديدي
على مهلك ترفق بالجماعه=ترى واحد من الركاب سيدي
حبيب الروح اخذ قلبي بضاعه=عسى لامت في حبه شهيدي
انا ماسرني كشف الاشاعه=وانا كل ما عالجوا جرحي يزيدي
عسى من لامني يوم الشفاعه=يعذب في جهنم بالحديدي
ياليت الخل يسمع للاذاعه=ويفهم كلمتي هو يوم عيدي

ابو بدر و ساره

11-28-2006, 12:04 PM

وهذه لا اعرف قائلها ولكن جميله

يقول الدوسري امر مقدر=وهذا شي مكتوب عليه
سرى ليلي وانا وحدي اتعبر =سرى ليلي وانا عيني شقيه
انا المجبور انا في حب الاسمر=نهب عقلي بمركوز ......
انا وان قلت له معنا تعذر=الاياهل الهوى ويش القضيه
عذلت القلب عنه قال مااقدر=وكيف اصبر لامن عرض عليه
الاياصاحبي بالك تكبر=الا من وصلكم ردوا التحيه
ابا اطلب ربي وهو المصخر=يصخر واحد يزمر عليه
واباختمها بمن هلل وكبر=نبينا المصطفى خير البريه

ابو بدر و ساره

11-28-2006, 12:38 PM

الا وا عذاب اللي تولع بخل راح=رحل يم داره صاحبي ويش اسوي به
جلسنا جميع يوم حل الموادع صاح=وهلت من العبره دموعي على جيبه
الا ياحبيب الروح يالصاحب المزاح=انا باطلبك يازين لاتطول الغيبه
ترى عقب فرقاكم انا خاطري مارتاح=فرقاك علي يازين هو اكبر مصيبه
تخيل البروق في بسمته والمطر ماطاح=وقلبي يوده لو على البعد ينوي به
ترى الحب يالمملوح ماهوب شغل مزاح=حبيبك يشوفك دام انك تراعي به
ترى كان حبك صافي لاتعده راح=يوادعك قلبي ثم يرسل مكاتيبه
اعاهدك بالله بالمحبه فلاتنباح=ترى الحب وسط القلب يازين ساطي به
ترى اللي يحب البيض مشغول مايرتاح=يخيل الحبيب بين عينه يهلي به
وهي حكمها ماضي وتذبح بغير سلاح=ترى فعلها في الحرب ماضي تجاريبه

ابو بدر و ساره

11-28-2006, 06:07 PM

لا اعلم من قائلها

ردي الاصل لو شفته صفا لك=ترى الانذال عشرتها مصايب
ولو تعطيه من غالي حلالك=ترى الخايب على ماقيل خايب
الا صارت له الحاجه عنا لك=ولو تحتاجه انته صار غايب
ويضحك لك و هو جالس قبالك=والا من صد في امره غرايب
ويحلف لك يمين انه صفا لك=وهو عن مشيته ماهوب تايب
وراعي العيب لو هو من عيالك=ولو هو من جماعه او قرايب
تراك برفقته اتعبت حالك=فقله روح لعلك للذهايب
فاحذر يافتى واعرف رجالك=من اللي ما تزعزعه النوايب
يعلو بين خلق الله جلالك=ومن عاداك وروه العقايب
فاذكرني الا امر بدا لك=فيما قلته ودنيانا عجايب

ابو بدر و ساره

11-28-2006, 06:30 PM

ياناس روحي عليله=والزين مافيه حيله
مالي صديق اشتكي له=جور الحبيب الجميل
في استديو "العبندي"=سجلت احسن ما عندي
لاجلك يابو خد وردي=لعل قلبك يميل
ابيك تسمع نشيدي=يمكن لقلبك يفيدي
اللي غدا من حديدي=ترحم فؤاد عليل
هجرتني يا ظنيني=واشمت العذال فيني
حرام يانور عيني=دمعي من اجلك يسيل
حبك مكن في ضميري=قلبي من اجلك خطيري
ان كان حصلت غيري=الموت اهون دليل
اموت يرتاح بالي=وانسى الذي قد جرى لي
اسباب حبك يا غالي=ساهر ليلي طويل
الحب بلوه من الله=والرابح اللي ما دله
راعي الهوى فيه عله=دايم حاله نحيل
ما يهتني في منامه=والحب ناحل عظامه
يعرف ولو في كلامه=دايم حمله ثقيل
مسكين راعي المحبه=دايم طريح المخده
والدمع من فوق خده=يسقي زروع النخيل

ابو بدر و ساره

11-29-2006, 01:53 PM

لا اعلم من قائلها

ليتني بالفاضليه=ما تمشيت ضحويه
بس مكتوب عليه=شفت مردوع الوشام
مر من عندي قريب=قلت ذا امرك عجيب
كيف تمشي يالحبيب=ما تكرم بالسلام
راح ما كنه يراني=قلت يا زين المعاني
انتظر حبك سباني=تهت في بحر الغرام
وقف بجنبي وقال=وش تبي يابن الحلال
روح ماعندي مجال=شغلتك هذي حرام
لاحض دموعي تسيل=قال اكيد انك عليل
انتظر عندك قليل=رايح ارجع لك قوام
جت بعد روحي سريع=خايفه الفرصه تضيع
رحت انا معها جميع=ساعة قبل الظلام
جات سمره للصباح=في انبساط وانشراح
اشهد ان قلبي استراح=ليتها تبقى دوام

ابو بدر و ساره

11-29-2006, 02:08 PM

مسكين منهو في هوى البال مفتون=صبار لاشاف الجفى من حبيبه
يمشي ولكن داخل الكبد مطعون=ودموع عينه فوق خده صبيبه
ما عاد اسمع هرجكم لوتعذلون=وشلون اسمعكم وروحي عطيبه
وش عاد لوقالوا لي الناس مجنون=راعي الهوى لازم يشوف الغليبه
ان كان ماصار الوفى منك مضمون=وش فايدة حب يجي بالغصيبه
بالك تطيع الناس فيما يقولون=اهل الحكايا والهروج العجيبه
امر وتلقاني مطيع وممنون=في خدمتك واللي تطلبه نجيبه
قلي متاكم ياحبيبي تعودون=حتى معاك القلب يطفي لهيبه
ان كان ماعندك من الحب قانون=خل الهوى لاهل الهوى وش تبي به

السلسال

11-29-2006, 05:36 PM

هلا وغلا بالشاعر المبدع ابو بدر

كيف الجو عندكم بمدينة الضباب

(( قفشتك من مركز العمليات البنتاقون قصدي الكنترول))

ذكرتني بالايام الحوالي في بكدلي والاجول رود والهايد بارك وعمارة الفائد

واسف على تقصيري بالمشاركه

وانا احفظ للشاعر الجنوبي قصائد كثيره لم تنزل في الديوان

بس مو كامله هذا السبب الرئيسي الي يخليني ما اشرك

بس رجعت الذكرى وراء شوي ذكرت قصيده حفظت منها كم بيت

سعيداً ياهلي قلبي تهناء=من بعد ما جاه من دواء صوابه
عطاه الله وحصل ما تمناء=غزالاً توه في غاية شبابه

واعذرني نسيت الباقي بحاول ارجع للشريط اجيبها

ابو بدر و ساره

11-29-2006, 09:49 PM

اخوي السلسال: لقد نور و تشرفنا انا و متصفحي بوجودك الجميل

ماشاء الله عليك والله انك جبتها و دليتنا...عسى عندكم برود وسيول مثل اللي عندنا

بالنسبه للبيتين اللي ذكرت، الحقيقه انا اتذكر اغنيه لمطرب الروائع سلامه العبدالله و لا اعرف ان كانت للجنوبي تقول

سعيد ياهلي قلب المولع=بعد ما جاه من داوى صوابه
تمكن في الحشى حبه وشرع=الا يالله تحفظ لي شبابه
يعذلوني وانا للعذل ما اسمع=ولا بانساه لو طول غيابه
الا ياعزوتي يامن تدلع=لجى بي والتجى وابدى عتابه
على فرقاه حجر العين يدمع=يعذبني وانا ماقدر عذابه
تمزع قلبي المغرم تمزع=ما عاد اعرف صلاحه من خرابه
حبيبي من محبتك اتجزّع=ولا ادري عن غرامك وين بابه
غرامك يغرم العاشق ويخضع=بعد جرح اللي جابه والتجى به
الا يليتني معك اتمتع=بليل وسرنا ما احد درى به

وسلامتك

ودمت بخير شامخا راقيا

ابو بدر و ساره

12-01-2006, 05:26 PM

يا مرحبا يا داعج العين يازين=يا مرحبا تسعين لك و مليون
وعداد ماحجوا عباده و مقفين=وعداد ماطافوا على البيت يسعون
ياما شكيت ايام وشهور وسنين=ياما سهرت الليل في حب مظنون
ابوك يا بندر غدا القلب قسمين=على شبيه الريم اللي تعرفون
يا عود موز ناعم في البساتين=منين ماهب الهوى مال بغصون
حلفت ما انسى حبكم يا اريش العين=ما دام الامه كل فرض يصلون
ملكت قلبي يا عذاب المزايين=ملكتني ملك على غير قانون

ابو بدر و ساره

12-01-2006, 05:34 PM

يارايح الحسا بلغ سلامي=الى حبيب القلب وجيب الاخبار
وارجوك الا شفته وضح كلامي=وخبره عني بكل الذي صار
وقل له ذاك النور اصبح ظلامي=يازين من بعدك ضاقت به الدار
والذي مثلي شقي ما يلامي=حامل شهادة فن في كل الاخطار
لاقلت انا بنسى بدر التمامي=ثم عجز قلبي لا كون عنه صبار
ما تشوف حالي منك طواه السقامي=لاقلت لك واصل بديت لي بالاعذار
حبك مكن في القلب وخلخل عظامي=حتى عروق القلب صارت مثل الاوتار
يازين سن الذهب تحت اللثامي=والعين سودى سابيه كل الانظار

ابو بدر و ساره

12-01-2006, 05:39 PM

لعلي القحطاني

ياغالي اطلب كل غالي=غالي طلبك رخيص مني
يامسهرن عيني ليالي=لاخيب الله فيك ظني
ان كان لي مال فمالي=وان كان لي فن ففني
الله عليك اشغلت بالي=عيت عيوني ترجهني
لك السعاده والشقى لي=يوم السفر لا تنتظرني
ارسل مع ريح الشمالي=رسايلك لا سرت عني
يا سيد ربات الجمالي=لا تصدق اللي قال عني

مشاري

12-03-2006, 11:12 AM

الله عليك يابو بدر وساره

الله عليك

جهد جبّار وديوان يسلب الأنظار

وأشعار لايضاهيها أشعار

فعلا أطربتنا

وجعلت من هذه الدرر مرجعيه

لله درك فما جمع الجميل بيسير

في الحقيقه لاأجد كلمة شكر تضاهي ماقمت به

سوى ان اقول

سر ونحن متابعون ولما ترضف أناملك من الدرر مشتاقون

ولما تنقل من الذوق ذائقون

دمت نجماا في سماء مرميد

ودام تألقك

اعطر التحاياااااا

ابو بدر و ساره

12-03-2006, 06:28 PM

شكرا لك شاعرنا الكبير وله

الابيات التاليه لعلي القحطاني

يا رساله عزيزه ودّي اقراها=بس ياللأسف خانتي اعصابي
صار لي مدة وانا اتحراها=من وليف عليه القلب منصابي
هو كتبها وعنونها وغرّاها=وانتظرها شهر ما رد له نابي
واعتبرني مقصر يوم ودّاها=مادرى اني حرقت الخط مما بي
ان قريته عيوني نثّرت ماها=قالت الخط مرسول من احبابي
خلها تمشي الدنيا بمجراها=لايجي جرح ينقض جرح ما طابي

ابو بدر و ساره

12-03-2006, 06:39 PM

عزي لمنهو واقع بين نارين=مابين نار الحب وقل المعرفه
قابلت يوم السبت مريوشة العين=من غير موعد لكن الحظ صدفه
وسط التعاون شفت انا كامل الزين=من يوم شفته صار في القلب رجفه
وقفت انا محتار ما بين دربين=وصويحبي في الباب من غير درفه
صوت يا بنت العرب لا تويقين=قلبي من اسبابك حصل فيه رجفه
قالت تخاف من الهوى يا مسيكين=درب الخطر لايّاك ترجع تحفّه
فقلت لاجلك لو ازور المساجين=ياللي جمالك يعجز القلب وصفه
قالت تفضل قلت انا الناس ماشين=قالت طريقى يا بو عادل و اعرفه
دخلت لما شفت انا الناس لاهين=........................................
قالت حبيبك يا خراب المسلمين=غيرك فلا و الله لبيت طلبه
انا الغشيمه في دروب المحبين=خليتني طبيت في الحب طبه
لكن عليك الله لا تغيب يومين=قلب ملكته لا تحاول تشفه

ابو بدر و ساره

12-03-2006, 08:33 PM

البارحه ما امسيت متعومس الراي=على الذي عند الضحى فارقوني
معاهم اللي من العرب غاية مناي=اللي عقب فرقاه هاضت شجوني
اقبل يوادعني و مديت يمناي=وزاد البلى بي عقب ما وادعوني
ابكي ولكن ما نفع كثرة بكاي=خطير كثر الدمع يضعف عيوني
عزى الله ان ماحد ابتلى مثل بلواي=وش حالتي ان طال الفراق و نسوني
قالو تعالج قلت انا عارف دواي=لو جوا اطبا المملكه ما شفوني
دواي طفل شوفه يزيل بلواي=اذا قدرتوا جيبته فاسعفوني

ابو بدر و ساره

12-03-2006, 08:39 PM

يا صاحبي قتل المولع حرام=ذبحت من يهواك يا نور عيني
ظنيت ان وياك نبقى دوام=واليوم يمضي بالشهر ما تجيني
ان كان جاب الواشي عني كلام=غلطان تسمع هرجة الحاسديني
لاشفتني ماشي لك باحترام=لاتفتكر عبد انا مشتريني
انت تحسب اني مهتني في المنام=ليتك تجي في البيت تسمع ونيني
لازم تراعيني و تمشي تمام=ولاتخش الناس بينك وبيني
ان كان ما تعرف عذاب الغرام=تعال اعلمك به ياظنيني

ابو بدر و ساره

12-03-2006, 08:45 PM

الا ياعود ريحان تمايل=في وسط السوق قابلني ضحويه
حزنت لمشيته وسط القوايل=وشمس القيظ لامثاله قويه
وردف لا مشى للثوب شايل=...................................
لحظني و انهصر و افتر قايل=دخيلك وين سوق القيصريه
سألته منين ياعدم المثايل=من اهل الدار او انت اجنبيه
وقالت لي غريبه من حمايل=معاي فلوس و ابغى الصيرفيه
وقلت يامرحبا بسيد الاصايل=تفضل عندنا في الصالحيه
بعد ماهو سمع قال لي سهايل=بقضي لازمي و نطلع سويه
حشى لله في كل القبايل=مع الخفرات ما يوجد حليه

مشاري

12-04-2006, 02:23 AM

منتهى الروعه

***

لازم تراعيني وتمشي تمام

***

حزنت لمشيته وسط القوايل

***

امتع القصيد واجمله واكثره تأثيرا ماصدر من قلب

ابو بدر وساره

ابداع منقطع النظير

وجهد بأعلى مستوى تشكر عليه

دام تألقك

اعطر التحايا واجلها واجملها

ابو بدر و ساره

12-04-2006, 05:12 PM

شكرا لك شاعرنا

واهديك ما يلي من الروائع

البارحه ونيت بالصالحيه=سمعوا ونيني ساكنين الشروقات
واهل المبرز قالو اش ذا القضيه=ملزوم راعي ذا الونين اصبح ومات
جا اسعاف والنجده والاطفى سويه=قالوا عسى ماشر قلت لهم سلامات
محبوب قلبي اليوم طاري عليه=ومالي جدا الا البكا والتنهات
قالوا لي ارقد قلت مالي خطيه=خلوني افرج عن الصدر ضيقات
ودي استريح لاشك غصب عليه=لامن ذكرته قمت انا اجر ونات
من غاب عني الزين جالي الثنيه=وانا نهاري حزن والليل حسرات
تطري علي اوقاتنا الاوليه=يومه يجي بتالي الليل بسكات
قبل تصير العين يمه جريه=ايام انا وياه عشنا بغفلات
واليوم كل ما يكلم خويه=خوفي من اللي ينقلون النمامات
الله عليهم ما معاهم حميه=يسعون بين اهل الهوى بالتشتات
ما يرحمون اللي جروحه طريه=عايش بنار والخلايق بجنات

ابو بدر و ساره

12-04-2006, 05:16 PM

يا حامل الشنطه تمهل لي ابغيك=باقول لك كلمه ورجع جوابي
ليش الهجر يا سيدي الله يخليك=لا تزيد ما فيني يكفي عذابي
نسيت يوم السبت يومي اناديك=خليتني تمثال في وجه بابي
ما نيب داري هل هو العلم مطغيك=والا تبي يازين تتلف شبابي
قلي بما تطلب وانا حاضر اعطيك=رهين لامرك لين يوم الحسابي

ابو بدر و ساره

12-04-2006, 05:20 PM

ياللي على الباب الاصفر لا تردينه=بالله افتحي الباب جننتي عباد الله
وحمر الشفايف دخيلك لا تحطينه=ويابنت لا تتركين قذيلتك فله
كم لي على وعدكم وانا بارجي له=وانما حصل وصلكم بيموت بوعبدالله
ياليت من صابني ديني على دينه=لا شك له ملة وانا على مله
لو انه على ملتي جودت انا يدينه=شبكه ودبله و اخطبه من اهله

ابو بدر و ساره

12-04-2006, 07:11 PM

استفز القلب من كثر الدموع=واشتكى للصبر عالي ما استطاع
منك يا بدر تبين للطلوع=غاب نوره و يجهر بالشعاع
اشتهر بالزين مع حسن الطبوع=واحتفظ بالعقل من سن الرضاع
كن في عينه يفرج له جموع=يحسن المنطوق نظره واستماع
قايد الغزلان في زينه يروع=يا شبيه الريم بعيون وساع
لا تقطعين القلب من بين الضلوع=ارحم المفتون من قبل الوداع
شوفتك برضاك والمقفي قطوع=والزياره منك للمشقي متاع
حيث فيك القلب مفتون الجذوع=ما يبي غيرك ولا عنك امتناع
حبكم في القلب ولع لك شموع=لذة الدنيا شوفك و اجتماع

ابو بدر و ساره

12-04-2006, 07:19 PM

اكتمل عيدي معك يا احلى سعاده=يا حبيبي نورت ايامنا
قلبي الهايم معك حصل مراده=والحمد لله جات ساعات الهنا
خذتها وياك يا صاحبي عاده=كل عيد ابغاك تجلس عندنا
ودي اسبوعين تقضيهم زياده=كل ما تبغيه موجود هنا
غيركم ما بغيه ما لي فيه راده=ما هويت الا انت يشهد ربنا
انت دارس في الهوى وعندك شهاده=خابر العشاق تعرف طبعنا
الهوى ماله طبيب في العياده=وانت عارف ياحبيبي طبنا

ابو بدر و ساره

12-04-2006, 07:24 PM

ما بقى لي لا صديق و لا رفيق=ضاقت الدنيا من سبع الجهات
ما بقى لي من يوريني الطريق=راحوا الاحباب في الدنيا شتات
كني اللي طاح في بحر غريق=ما سمعتوا صوت طلاب النجاة
حابس نفسي وانا حر طليق=وسط بيتي والعرب راحت وجات
ما صفى لي من عباد الله صديق=هات يادمعي على الخدين هات
ولعت بالجوف ضيان الحريق=وا خساره يالليالي الماضيات
يا محمد كل ما صدري يضيق=حيلتي الاشعار عيني ماتبات

ابو بدر و ساره

12-05-2006, 04:22 PM

لا اعرف من قائلها

انا انتظرك و عجّل لا تأخر=ترى من بعدكم ما طاب نومي
شقيت بحبكم واصيح واشهر=لاجل مثلك مع الناس معدومي
نزل حبك بوسط القلب عسكر=ومر جنده علينا بالهجومي
وانا قلبي من اشواقه تكسر=ونور العين ماهوب لي رحومي
ما شاف الدمع يوم انه تنثر=على الخدين باقي له رسومي
الى جى الليل والخاطر تكدر=ولاج القلب من كثر الهمومي
دقاق الرمش ماله شي اكثر=يبي يحرق ضميري بالوسومي
سهرت ونحت و فؤادي تأثر=وهو مرتاح وعيونه تنومي

ابو بدر و ساره

12-05-2006, 04:29 PM

اكيد ما نيب ناسيك=اذكرك لاصبحت وامسيت
القلب باسمك يناجيك=لوحيت طرياك فزيت
ازعل عليّه وان ارضيك=لاشك انا ويش سويت
ما عاد به شك انا اغليك=غالي و لو ما تغليت
ليتك بعيد وانا ارجيك=ولا بقربك تعنيت
اخاف غيري يراعيك=وانا بحبك تسمويت
كل الحلى والبهى فيك=وش عاد للناس خليت
الزين اخذته باياديك=نورك ظهر لو تخفويت
عطني من الحب واعطيك=مليت من قول يا ليت
ما تخاف ربك يجازيك=اون لا قبلت واقفيت

ابو بدر و ساره

12-05-2006, 04:37 PM

التكسي اللي شفتناه اليوم=بعد العصر في السوق وافاني
فيه الحبيب اللي حرمني النوم=متراكي في سيت وراني
من يوم شفته خاطري مهموم=خطر علي ياقرة اعياني
اشرت له يازين انا مظلوم=وقف دخيلك لا تعداني
لفت بطرف كن فيه سهوم=وحول من التكسي وحاكاني
قلت انتبه لي قال انا محكوم=ما يمكن اخذ واحد ثاني
قال الوداع وقلت ذا مفهوم=قصدك تشمت في عدواني
جلست حاير ما قدرت اقوم=من يوم هو اقفى وخلاني

ابو بدر و ساره

12-05-2006, 04:43 PM

و هذه للجنوبي

ريم عليه مر=وانا في وجه الباب
ناوي علي بشر=مادري وش الاسباب
له وجنة تسحر=ومبيسم جذاب
جديله الاشقر=ظافي على الاسلاب
اقبل علي وافتر=وعلق بقلبي ناب
قلت ارحموا يااسمر=اللي فؤاده ذاب
ما تطلبه يحضر=يا سيد الاحباب
لفت علي واشر=قال اعرفك لعاب
قلت اعطني دفتر=واكتب بدون حساب
بيع فيني واشتر=نشوف من الكذاب
لما سمعني احمر=وجهه وعني غاب
يا ربنا تستر=وتساعد اللي انصاب

ابو بدر و ساره

12-05-2006, 04:48 PM

يا صاحبي دوك قلبي عندكم مرهون=اصبحت في حبكم مثل القلم مبري
هون و هون و افتكر ياصاحبي بالهون=من الموده سياسه ما تبي جبري
ما احد فطن لي وانا في حبكم مجنون=البارحه ساهر لين اذن الفجري
هم بصدري و الاحظ كنهم يدرون=لامن نويتوا بقتلي احفروا قبري

ابو بدر و ساره

12-06-2006, 04:28 PM

لا اعرف قائلها

هاضت الافكار سجل ياقلم=من قصايد ما تضمنها كتاب
حب نور العين عادمني عدم=يا عنا حالي مع زين الشباب
يوم شاف الحال جاوبني نعم=ما يعالج عندنا زيك مصاب
قلت له وين الحميه والكرم=ابتسم واقفى ولا اعطاني جواب
بوجديل يشبه الليل الظلم=في ليالي غيمت والبدر غاب
اشهد ان اللي يشوفه ما سلم=ولاخبرت انه جرح واحد وطاب
بس هو بعيني اغلى من ظلم=ظالم ماله على ظلمه عقاب

ابو بدر و ساره

12-06-2006, 04:36 PM

دخلت سوق الخميس ماشي على فالي=وافيت زين المها بوخدود ورديه
قابلت زين المها لابس كعب عالي=ويصرقع العلك بين شفاه ماريه
وقفت في وقفتي الدمع همالي=زايد غرامي حين مر و نظر فيه
انك تروح وتجي ما هي على بالي=كني بخيل فاقد له الف ربيه
جسم بلا قلب كنه منزل خالي=مهجور مافيه احد مديون راعيه
حبه قتلني ومزق جملة اوصالي=ونار حبه عملت في الجسم دوريه
من جل حبه وطيت الشوك ما ابالي=ودموع عيني جرت في كل ليليه
ارجوك ترجع ولايمكن تقول سالي=الحب يا صاحبي مأثر فيه
قضيت عمر في حبه بأنكالي=واسرفت لاجل الهوى ما تملك يديه

ابو بدر و ساره

12-06-2006, 04:42 PM

خاب الرجى من شوف خلي=اللي تنكرنا وحنا له احباب
بس الجزى ياعين ابكي وهلي=على عشير ماذكرنا له اسباب
الا الموده لا دعتنا نذلي=كان الولع شي ترى الحب جذاب
بدر الدجى اللي حديثه يسلي=ياشيب حالي عقب فرقاه ان غاب
اللي بنا له في الضماير محلي=واسقى غروس القلب في غد الاوجاب
واليوم من عادته ما وصل لي=اخلف وعوده ولاهوب كذاب

ابو بدر و ساره

12-06-2006, 04:48 PM

الله على الجمس لولا وارد الستين=ياليت مابدلوا روده وسكانه
ياليت شالوا مقصاته مع الجنبين=خلوه سسته على الدنقل كما اخوانه
ربحان يامن شرى من اربع وستين=مايشتكي من نفضة البطناج ربانه
الله اكبر على من ضبط التيمين=وزن بلوفه وبيرنقه وذرعانه
لولا السلنسر وسيع ودبته مترين=كان انفجر من لهيب النار شكمانه
بين السرندل وبين الهيد له وجهين=طرمبة الماي تقلب بين قمصانه
اما الشنابر مع البستم قوزمبين=على الكرنكات في بوشات مليانه
كويل والديلكو ما يحرق بليتين=اسلاك في الكوب وافهم حق ميزانه

ابو بدر و ساره

12-06-2006, 04:57 PM

البارحه كل بنومه تهنا=وانا اتقلب لين نور الفجر بان
اقضي طوال الليل منا ومنا=من سطح لدهليز لوسط ديوان
على الذي في كف يمناه حنا=غرو غرير كامل الزين فتان
ابوجديل فوق متنه يتثنى=يغذى من الريحان والعود ريان
لولا التمني ينفع اللي يتمنى=كان اتمنى وصل مدعوج الاعيان
الصاحب اللي في الموده شحنا=ودي بشوفه لكن الوقت خوان
ياطول ما كنا سوى وافترقنا=اربع سنين كننا مثل الاخوان
واليوم لا مشى تلفت عنا=الله اكبر من تصاريف الازمان
ياليتني وياه يوم اجتمعنا=ويشوف حال منه في زود نقصان
اكوده يسمح خاطره و يعذرنا=ويساعد اللي ما مشى له بحقران

ابو بدر و ساره

12-06-2006, 05:07 PM

يابو عادل شوف حالي عقبك وشلون صار=يخلف الله علينا ما بقى الا العظام
راحت ايام وليالي وانا لك في الانتظار=ليش ترضى ياحبيبي اسهر وعيونك تنام
بعدكم من سم حالي صابني منك انهيار=لاتخلي من يحبك يا بعد عمري يظام
المحبه كلها لك والغلا والاختيار=وانت يازين الحلايا بعدكم نومي حرام
انت حبي وانت طبي وانت لي كل القرار=انت يامن صنت حبي الهوى لك والغرام
اشتكي لك من غرامك والجفى بعد الجوار=بعدكم يانور عيني عايش بحزن وهيام

ابو بدر و ساره

12-06-2006, 05:14 PM

طبيت بحر الهوى متمنيا قبله=من ريق ظبي سحرني بسود الاعياني
الغالي اللي صدفني ناشل القذله=مكن صوابه حياتي حين لاقاني
يمشي دلع ويتمايل ياحلو رجله=صدر وردف وعود الزين رياني
والله لولا الحيا لاصيح من اجله=واقول وقف تراني فيك تلفاني
حبك حبيبي رماني رمية عدله=ما اطيب حتى تداوي كل جرحاني
تكفى دخيلك يبو شامه على الوجنه=تزورني او ازورك كان تهواني
بموت في حبكم ياسيدي فجئه=حرام تنسى محب فيك غرقاني
ياليت تقضي بقايا العمر في هجعه=ونذوق بعد الضمى شربات تهناني

ابو بدر و ساره

12-06-2006, 05:23 PM

وهذه لشاعرنا الجنوبي

كل برد قلبه وهانت بلاويه=الا الجنوبي ما تسهل مراده
قلبي عليل وضايعه حيلتي فيه=يالله دخيلك من حياة القراده
محمود ندى مافاد قلبي اداويه=عشرين يوم اراجعه في العياده
دواي عند اللي عسى الله يخليه=اللي نحل حالي وبالهجر زاده
ليته يطريني مثل ماني اطريه=تطري له ايام الهنا والسعاده
لاشك ناسيني ولانيب ناسيه=مهما خذ الهجران والصد عاده
ان باعني برخيص مازلت شاريه=غيره فلا والله لي فيه راده
حبه بوسط القلب متمسك فيه=ما يمحي مهما يطول ابتعاده
ياعاذلي في الصاحب اللي مغاليه=كف العذل مالك من العذل فاده
تلومني في اذا حل طاريه=يروح ليلي ما اهتني في رقاده

ابو بدر و ساره

12-06-2006, 05:33 PM

الا يالطيف الروح قلبي من اجلك ذاب=كما ذاب معجون الذهب عند صبابه
اعالج عيون دمعها دايم صباب=واعالج فؤاد ذاب من حر ما صابه
الاياوجودي وجد من راح مع الاجناب=ترك دنوته واقفى علشان طلابه
على صاحب من طول فرقاه راسي شاب=ثلاث سنوات ما وقفت رجلي على بابه
دلال وجمال صويحبي والثمان عذاب=دوى علتي ودواي اذا قال لي جابه
الايابعد روحي ترى صاحبك منصاب=اذا ماوزى به يالغضي انتوا ادرى به
عسى الله يعافي من ذبحتوا بدون اسباب=غليل عليل الروح وانتوا من اسبابه
رموه العذارى حسبي الله على الاصحاب=طريح الهوى سبعين عله تلوى به
انا معفي عن حربهم والغضي حراب=نكست السلاح ومحزمي ما اتعنى به
انا حزبي واحد والعذارى يجون احزاب=سطوا بالضمير البيض ما عاد لي ثابه

ابو بدر و ساره

12-07-2006, 09:27 PM

سيبوني وروحي عليله=ودعوني ضحى يوم الاثنين
عاذل القلب مافيه حيله=وانت يا راعي الحب مسكين
اعذروا من يفارق خليله=يذرف الدمع صافي من العين
من قبيله وهو من قبيله=جمع الحب ما بين قلبين
كل واحد ارضيته عميله=فرق البعد ما بين المحبين
ساهي فكره وضايع دليله=من نظر حالته قال مسكين
وان طرت له الليالي الجميله=يتنهد ويصفق بكفين
اه واويل هالقلب ويله=شين فرقى الاحبه نعم شين

ابو بدر و ساره

12-07-2006, 09:38 PM

صباح الجمعه انا في الفاضليه=وشفت الزين يتمشى ورايه
خففت المشي وحارت رجليه=اريد الحلو يتواسى معايه
مر وطافني بسرعه قويه=وعرفت الخل ان ماله هوايه
رفعت الصوت قلت وقف شويه=واظن الخل ما يسمع ندايه
ياناس ربي بلاني بذا البليه=تولع قلبي به من البدايه
لامن صبرت زادت بي الاذيه=ما اطيق فرقاه من هجري كفايه
الا ياهل المعرفه ايش القضيه=نفد صبري واصل للنهايه
وصل للخطر وجتني المنيه=حرام اموت وتوني في صبايه
قضى عمري لاجل الحب ضحيه=طلبت الله يحقق لي منايه
يشوف حالتي و يعطف عليه=ذبحني القهر شنهي السوايه
اذا اخطيت قلي ش الخطيه=حرام تسكت وتزيد بلايه
خلاص بالوصل ما عنده نيه=تمنع يوم عرف عنده دوايه
يا عيسى بن علي خذ هالوصيه=وخبر صاحبي بعد وفايه
وقل له يعيش بعدي عيشه هنيه=يطق طار الفرح و ينشر دعايه

ابو بدر و ساره

12-07-2006, 09:41 PM

يا بو رموش سود مثل الظلام=صفين ما فوق العيون الوساع
وجعود هلت واصله للحزام=كالليل الاسود من طلع فيه ضاع
والخشم شبهته بحد الحزام=سيف الزناتي بوهلال الشجاع
والخد شامه واحسبه وشام=والشمس ترسل من جبينه شعاع
والدرر والياقوت حدر اللثام=.........................................

ابو بدر و ساره

12-07-2006, 09:47 PM

ويقول محمد بن سعد الجنوبي

يا هل الريان لي معكم وليف=كامل الاوصاف يا ويلي عليه
داعج العينين والدم الخفيف=ليت من يقضي حياته بين يديه
مرني في مرسدس اخضر نظيف=وارد الالمان توه مشتريه
ارتبشت وطحت انا فوق الرصيف=رحت للعسكري ابغى اشتكيه
قال لي الجندي اظن عقلك خفيف=شوف لوحة بيب مرسومه عليه
ما ربى في بر عايش و سط سيف=كل ما يطلبه بالسرعة يجيه
رجعوا عندي وان بحال كسيف=قالوا وش بك قلت ذا الجندي اسأليه
زهمهت جندي و كلمها العريف=قال حاله خطر بالله اسعفيه
قالت قوم اركب اظن جرحك كليف=وقلنا وين المكان اللي انت تبيه
قلت انا سعودي ومن اهل القطيف=ومالي احد في قطر حتى الفي عليه
قالت اهلا بك و لاتنعاف ضيف=والذي مثلك يبينا حنا نبيه
رحت ان معهم و زاد الانس كيف=واحمد الله و اشكره واثني عليه

ابو بدر و ساره

12-07-2006, 09:53 PM

يا ناس شبت في فؤادي حريقه=باسباب غزلان عليه يمرون
من شفتهم والقلب ضيع طريقه=وسط العماره داخلين يقضوون
سألت انا المجمول قالت غريبه=قلت الطرف و الا الجشه تسكنون
قالت من العمران قلت العتيقه=ياليتكم يا نور عيني تسمحون
قالت انا ودي لكن مصيبه=معي عجز ثنتين واخاف يدرون
قلت الهوى والحب دروبه كثيره=بس فكري شوفي يمكنهم يصدون

مشاري

12-10-2006, 11:43 AM

منتهى الروعه والجمال وعنوان التميز

تتجلّى في مشاركاتك

ابو بدر وساره

وما هذا الا من ذوقك الراقي

وهذي عوايدك

فيه البيت اللي يقول الجنوبي

ياراعي البــــاب الحـــديد انتهينا

.......................... ان عـاد جيتك صك في وجهي الباب

مدري وش باقيها

دام ابداعك وتألقك

اعطر التحايا واجلها واجملها

ابو بدر و ساره

12-10-2006, 12:59 PM

غالي والطلب رخيص

ياراعي الباب الحديد انتهينا=وان كان جيتك صك في وجهي الباب
تسري بطارك وانت تكذب علينا=وحطيت طارك لك عذر وانت كذاب
ان قلت من ذا قلت غالي علينا=وذا من جماعتنا وهذا من اصحاب
لاتحسبنا في هواك ابتلينا=تتحطنا لك خيشة من ورى الباب
ياما على جمعاك اول بكينا=واليوم لا والله انا خاطري طاب
ما عاد يمديك التخفي درينا=نحسبك مخلص وانت خاين ولعاب
بعناك مجاني مع الخاينينا=وشرواك ياحرف العين ما نحسب له حساب
احرص على قل المعرفه قضينا=ولو ان ببيتك مسجد وفيه محراب

ابو بدر و ساره

12-10-2006, 02:20 PM

والبارحه يوم انصف الليل ونيت=هي ونتي منها عظامي خطيره
على وليف دايم يلفي البيت=واليوم اشوف الزين رجله قصيره
قل لي انا في حقكم ويش سويت=يومك تعاديني وحنا في ديره
اوصل ياروحي ماخذ ماتمنيت=قلبي على فرقاك زايد سعيره
تراك ياسيدي على عبدك اخطيت=ودموع عيني ياحبيبي غزيره

ابو بدر و ساره

12-10-2006, 02:30 PM

حبيب روحي علامك=شحيت علينا بكلامك
مانيب داري وش مرامك=يازين ليش الخصام
سلم ولو بالاشاره=ياروحي ماهي شطاره
قلبي تشعل بناره=سلم علينا سلام
علمني باللي بضميرك=مالي اراده بغيرك
تراني عبدك اسيرك=ارحم يابدر التمام
وش في ضميرك تغير=علمني ياذا الصغير
غيرك تراني مخير=هجرك لقلبي حرام
يابو العيون الكحيله=دخيل عيونك دخيله
غيرك مابغى بديله=لو راح روحي عدام
ياغايتي يامرادي=عذبت قلبي وفؤادي
ارجوك ترك العنادي=انا في اشواق وغرام
ظلمتني ياحبيبي=مسموح ياحظي ونصيبي
دواي لجرحي العطيبي=انا زايد في الهيام

ابو بدر و ساره

12-10-2006, 02:34 PM

ياطير ياللي ترفرف من على جده=بالله خذني معك لبلاد زهراني
قصدي اسلم على اللي طول المده=جا له ثمان ما شفته ولاجاني
ياصاحبي جارك الله ليش ذا الصده=ماهوب حق تولعني و تجفاني
ترى حلاة الهوى لاطالت المده=ماهوب يوم صديق ويوم قوماني

ابو بدر و ساره

12-10-2006, 02:42 PM

الا ياهل الهوى قلبي تفتت=ومن كان السبايب مادرى بي
على اللي بشارع الخباز مرت=عنود توها بعز الشبابي
في موتر بنز لوحاته مؤقت=على السيت اللي ورى لوا عذابي
بعد ما شفتها قمت اتلفت=بغيت لولا الحيا اشق ثيابي
انتبهت لي اطالعها و تخفت=وخلت في الضماير التهابي
الا وا حسرتي لما تمشت=تهز اردافها تبغى عذابي
وقفت انظر لمشيتها وصدت=وصابتني لاشك اخفي صوابي
بغيت اصبر لكن العين هلت=دموع مثل هطال السحابي
رفعت يدي اكلمها وردت=تقول في السوق ممنوع الجوابي
عطتني لغز مفهوم وتعدت=تقول بكره ابرسلك كتابي

ابو بدر و ساره

12-10-2006, 02:49 PM

من الظهران باكلم حبيبي=بالتلفون واعدته بجيه
انا بمشاهده جرحي يطيبي=يطيب الجرح من يمسح عليه
الا يا ناس مافي الحب عيبي=مادام الزين يبغاني وابيه
عسى المحبوب يصبح من نصيبي=مليح القد ياروحي عليه
الا ياصاحبي برد لهيبي=فؤادي عقبكم خطر عليه
انا بارجوك عني لا تغيبي=حبيبك لازم تشفق عليه
انا سهران ودموعي صبيبي=حياتي كلها من بين يديه
عيون سود يذبح من يصيبي=عسى رب السما يرضى عليه
الا ياطير بوصف لك حبيبي=وانا ارجوك سلم لي عليه
ترى جرحي من اسبابك عطيبي=عساني اقدر اتصبر لين اجيه

pinkdreem

12-12-2006, 04:35 PM

مشكووووور على الموضوع التعوووووووووب عليه وعسال على القوة
وننتظر جديدك

(تقبل مروري)

pinkdreem

12-12-2006, 04:36 PM

مشكووووور على الموضوع التعوووووووووب عليه وعسال على القوة
وننتظر جديدك

(تقبل مروري)

ابو بدر و ساره

12-12-2006, 05:04 PM

ونتواصل مع شاعرنا الجنوبي

يقولون حالك يالجنوبي علامه شين=وانا خابر حالي وعارف سبايبها
سبايب وليف عمره اربع على عشرين=وليف جرح قلبي وروحي معذبها
انا من نظرته شب في ضامري نارين=وعيني لذيذ النوم عقبه محاربها
ابات الليالي ساهر والعرب ممسين=سهوم الهوى بالقلب بانت مضاربها
انا ياعذابي لاطرى لي كحيل العين=وعزي لعيني عقب فرقى حبايبها
الى من ذكرته هل دمعي على الخدين=وروحي بعد ماغاب كثرت مصايبها
الا ياحياة الروح ماترحم المسكين=خف الله في روح حبك اليوم متعبها
ترى الحال يامحبوب قلبي طواه البين=وياكيف تسلى النفس من عقب صاحبها

ابو بدر و ساره

12-12-2006, 05:13 PM

ويقول

دخلت العصر سوق القيصريه=وشفت اللي على قلبي كواني
غزال ناوي فيني بنيه=نوى قتلي ومنه الله وقاني
ربش عقلي بعد ما اقبل عليه=يتعطف مثل عود الخيزراني
زهمته والتفت قلت الحذيه=ولاقصر بعد روحي عطاني
طلبته قلت ابي شربه هنيه=عسل سلسال من صافي الثماني
انا عطشان وخذ الاجر فيه=وقال ابشر ومن ريقه سقاني
بعد ما رويت قلت اسمح بجيه=تجمل ياحلو شرف مكاني
ترى روحي من اسبابك شقيه=وعقب فرقاك نومي ما هناني
تواعدنا يجي عندي ضحويه=ووفى لي بالوعد سيد الغواني
وصل للبيت مركوز ..........=وحمدت اللي سخر زين المعاني

ابو بدر و ساره

12-12-2006, 05:36 PM

اول نديم للهنا والسعاده=واليوم نادمت الشقى والعنى زاد
من عقب فرقى اللي ملكني وداده=اصبحت انا في بلاد والزين في بلاد
صار السهر والنوح للعين عاده=نصحت عيني من سهرها ولافاد
تبكي ونوم الليل عافت رقاده=وفي الليل نومي صار وقفات وقعاد
والقلب به جرح قديم وزاده=عشرين جرح صابت القلب وجداد
سهم الهوى لامن رمى القلب صاده=راعي الهوى مشاكله مالها عداد
ماشفت انا احد حب والحب فاده=لاشك راعي الحب له غصب ينقاد
من فارق الغالي وفارق مراده=صارت حياته له غرابيل وانكاد
يمشي سليم وعلته في فؤاده=ويخفي الالم والسر من كل حساد
راعي الهوى يمشي بعقل وركاده=يخشى الملام وهرج عاذل ونكاد

saleh82

11-10-2007, 07:42 AM

الفٍ اولف من حسين الكلامِ في الصاحب اللي نوا غاية مرامي شوقا على شوفه ولو في منامي لكن زماني صعب مافيه حيلات
البا بلاني الله بحبه وصده فرقا الحبابيب ياهل العرف صعبه حسبي على من صار للهرج سبه جعله ردي الحظ في كل الاوقات
الثاء ثلاث اشياء حلات المودة ليمن تهيا الصاحب اللي توده ايضا وصار الهرج عندك وعنه الثالثه مايسمع اهل النمامات
هذي من الفية محمد بن سعد الجنوبي

بكره اقول لكم الباقي