عندك واو

[جواد العلي]

عندك واو ... يوقفلك الكل و يخدمك الكل !!
ما عندك واو ... تعال بكرة !!

عندك واو ... تتخطى الصعاب !!
ما عندك واو ... لازم توقف في الطابور !!

عندك واو ... تأخذ أحسن غرفة مكيفة في أي مستشفى !!
ما عندك واو ... جيب المكيف معاك !!

عندك واو ... تكتب في أي جريدة ولو كان موضوعك تافة أو أي كلام !!
ما عندك واو ... يضيع المقال أو يختصر أو ما ينشر !!

عندك واو ... ما تتعب في تسجيل إبنك في أي مرحلة تعليمية أو جامعية طب , هندسة ... حتى لو معدله في الثانوية60% !!
ما عندك واو ... الله يعينك , في المدرسة , لازم يكون عمر المحروس سبع سنوات بالساعة , و إلا في السنة الجاية ألين يكمل !! , وفي الجامعة ما في غير فني , أدب , رسم ... وعلي حسابك !!

عندك واو ... الحلاق يحلق لك أحسن حلاقة مع مساج !!
ما عندك واو ... يحلق لك أي كلام , و رأسك يطلع في يده !!

عندك واو ... تترقى و تاخذ دورات و تسافر إنتدابات !!
ما عندك واو ... و الله حسب النظام المعمول فيه !!

عندك واو ... تأخذ أحسن صالة للأفراح , و كل شي مجانا , و هدايا !!
ما عندك واو ... الله يعينك , حتى المنديل تحاسب عليه !!

عندك واو ... الشارع نظيف و مرتب و أشجاره مقلمة و منسقة !!
ما عندك واو ... الله لا يوريك !! إشي و إشي و إشي !!


عندك واو ... تحجز في المطار في أي وقت , و فورا تلقى عشر كراسي فاضية لك و لأحبابك !!
ما عندك واو ... الحجز أتلغى , و الكرسي طااااااار لغيرك !!

عندك واو ...... بتحصل علي وظيفة قبل ما تخلص الدراسة !!
ما عندك واو .... خيس كم سنة في البيت لانك ما عندك خبرة !!!


:storm:
جواد العلي

WIDTH=280 HEIGHT=190

[سفير الماضي]

اخوي
جواد العلي موضوعك 100/ 100
ولا يخفي علي احد ان الواسطه اصبحت الان شي مسلم به
ونحن ايضا اصبحنا مصابين بهذا الداء وهو داء الواسطه
فاذا اردنا ان نراجع اي د ائره حكوميه نسال اذا احد يعرف اي موظف هناك ليخلص المعاملة باسرع وقت ومن غير ايتعقيد.......!!!!!!!!!!!!!!!!
ولكن ياجماعه لاتلومونا فالموظفين في الدوائر الحكوميه اكثرهم نفوسهم خايسه وشايفين انفسهم واذا موعاجبه شكلك اقل شئ قال تعال بكره هذا غير التعقيدات اللي في الطريق .........!!!!!!!
الوظائف اذا ماعنك واسطه لاتعب نفسك وفر التعب وفلوسك والرزق علي ا لله
لكن ماهو الحل!!!!!
وضع مسئولين يتقوا الله ولايقبلون الواسطه اذا كانت علي حساب ظلم شخص اخر وان يقطعوا الواسطه ويفتحوا مكاتبهم لاستقبال اي شكوي..!!!!!!!!!


سفير الماضي

[رفيق الدرب]

السلام عليكم ..

صحيح والله عندك واو كل امورك تسهل ولا هناك اي شي صعب امامك ..

ما عندك واو الله يعينك رحت فيها والله تصيح بيديك ورجليك محد يمك .. إلا كان توفيق وتيسير من عند الله ..

مشكوووور جواد على الموضوع ..

رفيق الدرب ..

[ساجي العيون]

موضوع محتاج للمناقشه موضوع مهم وهو مشكلتنا ومشكلة العالم
مشكله الواسطه اتفق العالم كله من الدول المتقدمه الى دول العالم الثالث عليها اينما ذهبت تجد الواسطه امامك ........
عند الامير والصغير عند الغني والفقير عند المتدين والعادي.......

بس ايش نقول هذه هي الحياة متعبه الى ابعد الحدود ........
وما علينا الا ان احنا ندور على واسطه والا ننام في بيوتنا ونتغطى زين .............

وسلامتكم

[جواد العلي]

هلا والله سفير الماضي

رفيق الردب

ساجي العيون

اشكركم على المرور والرد ( والواسطه غصب عليناااااا بس الله يكون في عون الي ماعنده واسطه )

تحياتي للجميع

جواد العلي