عوده مع ديواني العزوف

[مهاجر]

بالبدايه احب ارحب فيكم هنا ...


الجروح ...


دايماً مانتكلم عن الجروح وعن مدى تأثيرها على الواقع ..



ودايماً مانسمع عن قصائد الجروح او المعاناة ..

نذكر بيت .

مجروح روح وخاطري ملهود
.......... ياناس خلوني على فالي

=======

ودياماً مايجي واحد يحاول يحبط من عزيمتك كونك شاعر ..

والشاعر زي مافي القرآن الكريم يقول مالا يفعل

لكن هل هناك مغزى من كلامه ..؟؟


تمنيت لو إني قايل :
بعض الجروح إن جت من اغراب عادي
............. الجرح موت الجرح لا جا من أحباب======

ولكن صورت حالي بقولي :
فقير الحظ من مثلي , طوتني صفحـة النسيان
...................................اقاوم وســـط هالدنيــا ,, اعـديهـــا وتعـدينـــي
انا لك بس انا من لي ؟ غيـر الهم والاحــــــزان
...................................ألا يا حـظ ابي اعــرف ,, كيـف اكتب عناوينــي
فتحت الصفحه الاولى , لقيته اسمـك العنـوان
................................... لكن اخــــر كتابي ,, لقيـت الجمـــره تكـوينــي
لجلك القلم ينـزف , نـزف العاشــق الولهــــان
................................... ليتك تعرف ان حبره ,, مجـرى الدمع في عيني
تبي اعلن انا الفرقى ؟ واحدد ساعة الهجـران ؟
................................... مــن عيونـي احددهـــا ,, لكن ردي اسنينـــي !!


ملينا وحنا نكتب لكن للأسف بعض الناس ينظرون لمعاناتنا بتصويرهم الشخصي..!!

وزي ماقال الشاعر
لاتحسب إنك انت الوحيد اللي بك جروح ..!!!
........................ غيرك نزف ومات ولا أحدن درابه

اترككم مع عزفي او بالأحرى نزفي

لعلي اجد من يفهمني ...

كتبتك للفرح نغمه .. ارددهـا مـن الاعمــاق
......................... كتبتك للشعر بيت(ن) .. غدالي يـوم ميــلادي
كتبتك همسة(ن) تمسح معاناتي مع الاوراق
......................... كتبتك بلسم(ن) يشفي غرور النفـس واعنادي
كتبتك جنـة الدنيا .. فيها يسكـن العشـــاق
......................... كتبتك ريحة النرجــس .. والريحــان والكـادي
كتبتك للنصيب اللـي .. بدا بعناق ثـم اعنـاق
......................... كتبتك للخفـوق اللي .. معاه الحـظ متهـــادي
كتبتك قصة حلوه . بطلها فارس( ن)مشتاق
......................... كتبتك نجمة(ن) تضوي طريق السهل والوادي
كتبتك حبي الاول . جيتك راضي(ن) منساق
......................... فديتك لا تخلينــي .. اصــارع مـوتي الهـادي
كتبتك ( جرح ) للجارح يومه للصبـر ماطاق
......................... كتبتك (جرح ) ما يبرى .. توه بالجســم بادي

=-------------=
وإن قالوا مهاجر بروس المشاريف
........ قل عادته يرقا على كل مشراف

http://www.movn.net/moseqa_alsh3r/movn_3.ram


مــهــاجــر

[نوض]

عزيزي المهاجر

ابيات تدل على شاعر مبدع

يصيغ حياكة ألابيات على اجمل شياكه

بأبيات تجذب كل من يقرأها بالتصفيق والآعجاب

والوقفه مع التعبير والتصوير الذي يجعلني

احس نفس احساسك

فجرح الآقرباء اشد مراره

سواءً اقرباء بالدم

او اقرباء للنفس

فجرح القريب لا يندمل مهماطال الزمن

[طارق]

اخي الشاعر " مهاجر "
تحيه لك بقدر جودة أبياتك .
سيدي حاولت إختيار أبيات من كتاباتك كي أبدء بها ردي
إلا أني حقيقة ماستطعت تحديد أبيات معينه ، وذلك لكون
الجمال طغى على كامل القصيدتين .

ولاأجد إلا أن أقول ... هل من مزيد ؟أتمنى لك طول العمر وحسن العمل .

اخوك : طارق

[مهاجر]

نوض

مرحباً بك وسعدتي بمرورك الجميل وتواصلك الرائع

وجميل ان نجد من يقاسمنا جروحنا

لك من كامل الود

=------------=

طارق

لك شكري ولاخلا ولا عدم من طلتك ياغلاهم

مهاجر